Hindistana məxsus AN-32 təyyarəsi ilə əlaqə kəsilib
Hindistan hərbi hava qüvvələrinə məxsus AN-32 təyyarəsi ilə bazanın əlaqəsi kəsilib.
8 heyət üzvü və 5 sərnişinin olduğu təyyarə Arunaçal Pradeş ştatının Qərbi Sianq rayonundakı Meçuka vadisindən yerli vaxtla 12:25-də havaya qalxıb. Təxminən 35 dəqiqə sonra təyyarə ilə əlaqə kəsilib. Meçuka vadisi Hindistan ilə Çin arasında faktiki sərhəd rolunu oynayan MakMohan xəttinə çox yaxında yerləşir.
Hazırda təyyarənin tapılması istiqamətində qüvvələr səfərbər edilib. Hələlik onun qəzaya uğraması təsdiq olunmayıb.
Qeyd edək ki, "Antonov-32" taktiki nəqliyyat təyyarələri Hindistan hava qüvvələrində 1984-cü ildən geniş istifadə olunur.
