AQTA heyvan kəsimi məntəqələrində sağlamlaşdırma işləri aparır
Azərbaycan Respublikasının Qida Təhlükəsizliyi Agentliyi (AQTA) tərəfindən heyvan kəsimi məntəqələrində aparılan son monitorinqlər zamanı müəyyən edilmiş sanitar-gigiyenik və sanitar-texniki nöqsanların aradan qaldırılması ilə bağlı sahibkarlara müvafiq göstərişlər verilib.
Bu barədə AQTA-nın İnformasiya təminatı və innovativ həllər şöbəsindən məlumat verilib.
Bildirilib ki, qısa müddət ərzində məntəqələrdə zəruri sağlamlaşdırma işləri aparılıb, aşkarlanmış nöqsanlar aradan qaldırılıb və obyektlərin normativ tələblərə uyğunlaşdırılması təmin edilib.
Sağlamlaşdırma işləri aparılan məntəqələr aşağıdakılardır:
- Bakı şəhəri, Xətai rayonu, Nobel prospekti, 56;
- Bakı şəhəri, Nizami rayonu, Çobanzadə küçəsi, 63, 2403-cü məhəllə;
- Bakı şəhəri, Xəzər rayonu, Qala qəsəbəsi, Xaşa-Xuna bağ ərazisi.
