İdman liseyləri və Bülbül adına orta ixtisas musiqi məktəbinə qəbul üçün qeydiyyat başlayır

2026–2027-ci tədris ili üzrə Bakı Şəhəri üzrə Təhsil İdarəsinin (BŞTİ) tabeliyindəki 1 nömrəli idman liseyinin və “Vətən” idman liseyinin V sinfinə, həmçinin VI–IX siniflər üzrə vakant şagird yerlərinə, eləcə də Bülbül adına orta ixtisas musiqi məktəbinin II–IX sinifləri üzrə vakant şagird yerlərinə qəbul üçün qeydiyyat prosesinə start verilir.

İdarədən  bildirilib ki, qeydiyyat prosesi avqustun 20-si saat 15:00-dan avqustun 24-ü saat 18:00-dək sy.edu.az portalı üzərindən elektron qaydada həyata keçiriləcək.

Qeyd edək ki, sözügedən təhsil müəssisələrinə qəbul prosesi müəyyən edilmiş qaydalara uyğun olaraq müsabiqə əsasında aparılacaq.

Namizədlər müəyyən edilmiş müddət ərzində sy.edu.az portalına daxil olaraq elektron qaydada qeydiyyatdan keçə bilərlər.