Paytaxtda iki yolda nəqliyyat vasitələrinin hərəkətinə məhdudiyyət tətbiq olunub
Vətəndaşların rahat və təhlükəsiz hərəkətinin təmin olunması məqsədilə paytaxtın daha iki yol sahəsində aparılacaq təmir işləri ilə əlaqədar nəqliyyat vasitələrinin hərəkətinə müvəqqəti məhdudiyyət tətbiq olunur.
Azərbaycan Avtomobil Yolları Dövlət Agentliyindən (AAYDA) bildirilib ki, həmin küçələr - Səbail rayonunda Bünyad Sərdarov küçəsi və Nəsimi rayonunda Füzuli küçəsidir (Azadlıq prospektindən Rəşid Behbudov küçəsinədək).
Sürücülərdən aparılan işlərə anlayışla yanaşmaları, hərəkətlərini əvvəlcədən planlaşdırmaları və istiqamətlərinə uyğun alternativ yollardan istifadə etmələri xahiş olunur.
