Azərbaycanın daha bir boksçusu 1/4 finala yüksəlib
Azərbaycan millisinin daha bir boksçusu Liverpulda keçirilən dünya çempionatında 1/4 finala vəsiqə qazanıb.
Boks Federasiyasından bildirilib ki, yığmanın heyətində Alfonso Dominqesin (90 kiloqram) ardınca Səidcəmşid Cəfərov (75 kiloqram) bu hüquqa yiyələnib.
O, 1/8 finalda Dayqo Sunaqa (Yaponiya) ilə üz-üzə gəlib. Boksçumuz hər 3 raundu aktivinə yazıb və döyüşü 5:0 (30:27, 30:27, 30:27, 30:26, 30:27) hesabı ilə xeyrinə bitirib.
Cəfərov 1/4 finalda Pavlo İlliuşa (Ukrayna) ilə münasibətinə aydınlıq gətirəcək.
Qeyd edək ki, yığmanın heyətində daha 3 boksçu 1/8 final döyüşünə çıxacaq.
