"Real" Hazardın transferini açıqladı
"Çelsi"nin futbolçusu Eden Hazardın "Reala" keçidi rəsmiləşib.
Bu barədə Madrid klubunun saytı məlumat yayıb. Belçikalı yarımmüdafiəçi ilə 2024-cü ilin yayına qədər müqavilə imzalanıb.
Bu transfer üçün "Real"ın London təmsilçisinə nə qədər ödəməsi haqda rəsmi məlumat yoxdur.
Qeyd edək ki, 2012-ci ildən "Çelsi"də çıxış edən Hazard ümumilikdə 352 oyuna 110 qol vurub. O, paytaxt klubu ilə son titulunu finalı Bakıda keçirilən Avroliqa turnirində qazanıb.
