Həbib Nurməhəmmədov UFC ilə yeni müqavilə imzalayıb
Yüngül çəki dərəcəsində Mütləq Döyüş Çempionatının (UFC) kəmərinin sahibi rusiyalı Həbib Nurməhəmmədov təşkilatla yeni müqavilə imzalayıb.
Bu barədə "ESPN" telekanalı xəbər verib.
Qeyd edilir ki, müqavilə bir neçə döyüş üçün nəzərdə tutulub. Müqavilənin digər təfərrüatları açıqlanmır.
Sənəddə kanadalı Jorj Sen-Pyerin UFC-yə qayıdacağı təqdirdə H.Nurməhəmmədovun onunla döyüşmə ehtimalının olmasına dair maddə yer alıb.//trend
