İsraildə parlament seçkiləri sentyabr ayına təyin olundu

İsraildə yeni parlament seçkiləri sentyabr ayının 17-də keçiriləcək.

2 ay əvvəl keçirilmiş parlament seçkilərinin ardından yüksək səs toplayan partiyalar koalisiya hökuməti qura bilməyib. Bu üzdən parlament özünü buraxıb. Fikir ayrılığının yaranmasına əsas səbəb, keçmiş müdafiə naziri Aviqdor Libermanın koalisiya hökumətinə qatılmaq üçün məcburi hərbi xidmət barədə qanunun qəbulunu tələb etməsidir.

Nəticədə Baş nazir Binyamin Netanyahu rəhbərlik etdiyi "Likud” partiyası parlamentin buraxılması barədə sənəd təqdim edib. Sənədin lehinə 74, əleyhinə isə 45 deputat səs verib. Qeyd edək ki, iki ay əvvəl keçirilən seçkilərin nəticələrinə görə "Likud” partiyası parlamentdə 35 mandat əldə etmişdi.