Heyvanların identifikasiyası nə üçün vacibdir?

Heyvanların identifikasiyası kənd təsərrüfatında heyvanların fərdi şəkildə tanınması, qeydiyyata alınması və onların hərəkətinin izlənilməsi prosesidir. Bu sistem heyvanların sağlamlığının qorunmasına, xəstəliklərin vaxtında aşkarlanmasına və baytarlıq nəzarətinin gücləndirilməsinə mühüm töhfə verir.
 
 Heyvanların identifikasiya nəticəsində: 

• Yoluxucu xəstəliklərin yayılmasına nəzarət gücləndirilir və riskli heyvanların müəyyənləşdirilməsi asanlaşır.

• Ət və süd kimi heyvan mənşəli məhsulların qida təhlükəsizliyinin təmin olunmasına şərait yaranır.

• Baytarlıq nəzarəti təkmilləşir, heyvanların sağlamlığı ilə bağlı məlumatların daha düzgün və operativ idarə olunması mümkün olur.

İdentifikasiya — sağlam heyvan, təhlükəsiz qida və güclü baytarlıq nəzarəti deməkdir.