Sumqayıtda yol qəzasında xəsarət alanlar xəstəxanaya yerləşdirilib

İyulun 30-da Sumqayıtda piyadaların xəsarət alması ilə nəticələnən yol-nəqliyyat hadisəsi baş verib. Qəza şəhərin Səməd Vurğun küçəsində qeydə alınıb.

Sumqayıt Şəhər Polis İdarəsindən  bildirilib ki, avtomobil yolunu keçmək istəyən 60 yaşlı Gilə Hüseynovanı və onun 5 yaşlı nəvəsi Məryəm Muradovanı avtomobil vurub. Xəsarət alan nənə və nəvə dərhal Sumqayıt Təcili Tibbi Yardım Xəstəxanasına aparılıb.

Azyaşlının vəziyyəti ağır olduğundan xəstəxananın reanimasiya şöbəsinə yerləşdirilib.

Faktla bağlı araşdırma aparılır.