Qusara yağan dolu fəsadlara səbəb oldu
Qusara yağan dolu və güclü külək bir sıra fəsadlar törədib.
Oxu.Az-ın bölgə müxbirinin verdiyi məlumata görə, təbiət hadisəsi nəticəsində Qusarın Çiləgir kənd sakini Pərviz Mustafayevə məxsus evin dam örtüyü uçulub.
Sakinlərə məxsus 70 hektara yaxın əkin-biçin sahəsi tamamilə məhv olub.
Qubanın dağlıq və dağətəyi yaşayış məntəqələrinə yağan yağıntı da kənd təsərrüfatı sahələrinə ciddi ziyan vurub.
Dəyən ziyanın aradan qaldırılması istiqamətində işlər aparılır.
