Dövlət sərhədini qanunsuz keçməyə cəhd edən şəxslər saxlanılıblar
Azərbaycandan Gürcüstan istiqamətinə dövlət sərhədini qanunsuz keçməyə cəhd edən bir Mərakeş və iki Əfqanıstan vətəndaşı saxlanılıb.
Bu barədə Dövlət Sərhəd Xidmətinin Mətbuat Mərkəzi məlumat yayıb.
Bildirilib ki, oktyabrın 6-da Sərhəd Qoşunlarının “Zaqatala” sərhəd dəstəsinin xidməti ərazisində həyata keçirilən əməliyyat-qoşun tədbirləri nəticəsində bir Mərakeş vətəndaşı saxlanılıb.
Oktyabrın 7-də isə “Şəmkir” sərhəd dəstəsinin xidməti ərazisində iki Əfqanıstan vətəndaşı dövlət sərhədini eyni istiqamətdə pozmağa cəhd göstərərkən saxlanılıb.
Faktlar üzrə əməliyyat-istintaq tədbirləri davam etdirilir.
